Jæja það er ekki laust við það að það sé kominn spenningur í mann fyrir helginni. Bústaðurinn er á morgun og hlakkar mér þokkalega til í að fara detta í það með góðum vinum og svo auðvitað fer maður í bæinn til að kjósa rétt :) og svo á árshátíð MEST. Svo er bara aftur í bústaðinn eftir árshátíðina og detta meira í það. Ég sé það að útgjöldin verða í miklu lagi þessa helgina en það er allt í lagi því það er í góða helgi. En oki vildi bara láta ykkur vita af þessu..

...þar til næst

Nú eruð bara 2 dagar í kosningar og hef ég tekið eftir því að þeir sem eru á móti stækkuðu álveri hafa ekki enn sammælst um hvað þeir eru á móti og geta ekki gefið upp sömu tölur í mismunandi greinum sínum í blöðunum. En hvað um þá vitleysinga þá ætla ég að tala um það hvað það var gott að vinna á þessum stað.
Alcan á Íslandi er öruglega einn besti staður til að vinna á. Laun er há, heitur matur og góður matur í öll mál. Starfsöryggi er gott þrátt fyrir allt sem sagt er. Og mjög góður starfsandi. Þegar ég var að vinna í álverinu þessa 4 mánuði kynntist ég ótrúlegasta fólki og mikið af því og þekki ég fleiri sem vinna í álverinu en því fyrirtæki sem ég vinn á núna og hér eru ekki fáir, þannig að hlutfallslega kyntist ég mun fleiri.
Ég segi bara eitt og segi það alltaf. Alcan á Íslandi er góður staður og mikilvægur fyrir bæjarfélag eins og Hafnarfjörð og í rauninni Ísland og hvet ég alla til að mæta á kjörstað á laugardaginn og velja rétt, og það eina rétta í stöðunni er JÁ.

...þar til næst

Já þetta er búið að vera leiðinlegur dagur í dag þrátt fyrir frábært veður. Ég byrjaði daginn á því að festa mig í bakinu sem þýddi það að ég lá hreyfingalaus í svona 4 tíma í rúminu sárkvalinn.  Þegar ég loksins losnaði í bakinu voru eftir verkir sem ekki er hægt að lýsa, semsagt ég var inni í allan dag þrátt fyrir frábært veður.
En jeyj ekki skánar dagurinn því núna þarf ég að fara skila skattskýrslunni eða fyrir kl 24.00 á miðnætti. Hvenrig væri bara að hafa endurskoðanda til að gera þetta....

...en þar til næst

Já hvað það er nú gott að vera kominn með blogg síðu, þannig að ég er alveg að missa mig í blogginu. En allavegan, í dag ákvað ég að setja hitablásara í bílinn minn á meðan ég var í vinnunni til þess að þurka bílinn að innan, og ég er að verða geðveikur á því að finna út hvar hann lekur inn. Ég er ekki að finna það. Eins er það bara þannig að ég væri alveg til í að losa mig við bílinn og fá mér annan nýrri sem bara bilar ekki. Ætli maður verði ekki bara að taka sér lán fyrir því....úff vá peningar crap. ég ætla mér að eyða hellings peningum í ár. Nr. 1 X-Games í LA = ca. 190 þúsund. Nr. 2 Nýr bíll = ca. 1 milljón Nr. 3 Fartölva = ca. 150 þús. Já þetta er bara svona stórir hlutir sem ég ætla mér að gera...Það er eins gott að fara spara strax og telja dósir...

En hafiði pælt í því hvað veðrir var fáránlegt í dag. Rigning, snjól ( snjór og sól á sama tíma ) þurt heitt kallt. Þetta var bara alveg fáránlegt. Ég held að við höfum fengið sýnishorn af öllum veðrum í dag.
En þegar maður er kominn út í það að tala um veðrir þá er kominn tími til að stoppa í dag.

...þar til næst

Mikið ótrúlega var gaman að fara út í morgun og það var bara allt hvítt. Það var svo bjart og gott að maður varð bara hress á því að labba út. En núna er hann allur að fara :( crap. En maður grætur það ekki alveg. En það sem maður grætur er þessi blessaða skattskýrsla guð minn góður hvað þetta þarf að vera leiðinlegt. og mikið vesen.
Vá hvað næsta helgi verður góð. sumarbústaður á föstudaginn svo þarf maður náttúrlega að koma í bæinn á laugardeginum til að kjósa með stækkuðu álveri og fara á árshátíð Mest á Gullhömrum með Óskari, Ásu og Guðný og svo fara eftir hana aftur í bústaðinn...Hehehe þetta verður alveg geðveik helgi vonandi.

Skrifið í gestabókina!!!
En hey þar til næst.....

Verður maður ekki að vera duglegur að blogga..Jú ég held það nefnilega.
Vá hvað ég var þreyttur í morgun, var samt lagður af stað í vinnuna hálf átta og rétt slapp við umferðina. Ég er að verða geðveikur hvað það tekur langan tíma að keyra í vinnuna. En ég er nú að vinna í Mest inní Grafarvogi og það getur tekið mig styst 12 mín að keyra og lengst hef ég verið 52 mínútur...Pælið aðeins í þessu...Afhverju er fólk ekki látið mæta á mismunandi tímum í vinnuna...Það væri alveg geggjað....
En um helgina tók ég að mér að vera sveitarforingi Riddara í Hraunbúum helvíti gaman bara já ég held það. En segið mér eitt.....
Afhverju trúir fólk því að það séu milljarðar stjarna í geiminum en ekki þegar maður segir að málning sé blaut ( og potar í hana)
Er einhver skýring á þessu???
Annars má alveg einhver hjálpa mér að finna skemmtilega stelpu :)

En ætli það sé ekki best að halda áfram að vinna

Já við verðum að prufa að bogga í þessu dóti...ég var á skátaþingi um helgina og það var jú barasta allt í lagi nema ég held að ég sé kominn með legusár á rasskinnarnar.

En aðalmálið í dag er okkar ástkæra Alcan...frábært álver og allt gott um það að segja....ég held að þeir sem kjósi á móti því séu að eyðileggja of mikið fyrir bæjarbúum og starfsmönnum Alcan...Þetta er frábær vinnnustaður, allavega sá besti sem ég hef unnið á og ég held að fólk eigi frekar að líta á starsmennina og samfélagshjálpina sem Alcan er að gefa en að pæla í smá mengun...halló. Hvað haldið þið að strætó mengi mikið, gröfur, bílar yfir höfuð bara....
Svo er annað í þessu öllu. Nú er mengunin mæld í nágrenni álversins og þar er þjóðvegur sem heitir Reykjanesbraut. Magnið af bílum sem keyra þar um á hverjum degi er svakalegt og eithvað hljóta þeir að menga og skekkja tölurnar í dæminu....það held ég allavegana....Allavegana

Þangað til næst.....Kjósum rétt....segjum JÁ